Колледжіміз жыл сайын «Қазақстан Республикасының үздік 100 студенті» республикалық байқауына белсенді қатысып, өз өңіріміздің намысын абыроймен қорғап келеді. Бірнеше жылдан бері студенттеріміз байқаудың жүлдегерлері атанып, өздерінің білімін, кәсіби құзыреттіліктерін және дамуға деген ұмтылысын жоғары деңгейде көрсетіп келеді. Биыл да колледжіміз аталған байқауға қатысып, өңірлік кезеңнің жеңімпазы атанды! 🏆 Қазіргі уақытта республикалық кезеңнің қорытындысын асыға күтудеміз. […]

Бүгін Сарыкөл агробизнес және құқық колледжінде өрт қауіпсіздігі бойынша оқу-жаттығу өтті. Іс-шара барысында қызметкерлер мен студенттер өрт туындаған кездегі іс-қимыл тәртібін, ғимараттан эвакуациялау ережелерін және төтенше жағдай кезіндегі қауіпсіздік шараларын пысықтады. Мұндай оқу-жаттығулар қажетті дағдыларды бекітуге көмектесіп, қауіпсіздік әрқайсымыздың жауапкершілігімізге байланысты екенін еске салады.